Braziliyada bir gündə 1141 nəfər virusdan öldü

  26 İyun 2020    Oxunub : 1840
Braziliyada bir gündə 1141 nəfər virusdan öldü
Braziliyada son sutka ərzində koronavirusa 39 483 yoluxma halı qeydə alınıb.
Azvision.az xəbər verir ki, bu barədə ölkənin Səhiyyə Nazirliyi məlumat yayıb.

Ötən gün ölkədə 1141 nəfər COVID-19 infeksiyası səbəbindən həyatını itirib.

Braziliyanın cənub-şərqində yerləşən San-Paulu ştatı və onun eyniadlı administrativ mərkəzi ölkədə infeksiyanın ocağı hesab olunur. Regionda 238 mindən çox yoluxma və 13 mindən çox ölüm faktı qeydə alınıb.

Hazırda Braziliyada virusa yoluxanların sayı 1 228 114 nəfərə çatıb, 54 971 nəfər ölüb, sağalananlar isə 650 minə yaxındır. Ölkə koronavirusa yoluxma hallarına görə ABŞ-dan sonra dünyada ikinci yeri tutur.

Azvision.az

Teqlər: Braziliya