Yol qəzasında daha iki piyada öldü

  07 Aprel 2021    Oxunub : 1123
Yol qəzasında daha iki piyada öldü
Bakıda yol-nəqliyyat hadisəsi baş verib.
Bu barədə Azvision.az -a Daxili İşlər Nazirliyinin (DİN) Mətbuat xidmətindən məlumat verilib.

Bildirilib ki, aprelin 6-da saat 21 radələrində Səbail rayonu ərazisində Astara rayon sakini C.Hüseynzadə idarə etdiyi “Mercedes” markalı avtomobillə yolu keçən Bakı şəhər sakini Ə.Bağırovanı vurub. Nəticədə piyada aldığı xəsarətlərdən hadisə yerində ölüb. Səbail Rayon Polis İdarəsi tərəfindən araşdırma aparılır.

Bundan başqa, aprelin 6-da saat 17 radələrində Xətai rayonu ərazisində Bakı şəhər sakini T.Hüseynli idarə etdiyi “Porsche” markalı avtomobillə yolu keçən paytaxt sakini E.Qarayevi vurub. Nəticədə piyada xəstəxanaya aparılarkən yolda ölüb. Xətai Rayon Polis İdarəsi tərəfindən araşdırma aparılır.

Azvision.az

Teqlər: DİN