Yəhudi qadının göz bağışladığı qazi 8-ci əməliyyata hazırlaşır

  Yəhudi qadının göz bağışladığı qazi 8-ci əməliyyata hazırlaşır
  30 İyul 2021    Oxunub:2243
İsrailli qadının vəfat etmiş həyat yoldaşının gözünü bağışladığı qazimiz Arif Hacıyev yenidən əməliyyat olunacaq. Onun səhhəti ilə maraqlandıq. Arif Hacıyev Azvision.az -a bidirdi ki, görməyən gözünün nurunu ona geri qaytaran həkimlərin, əllərinin də hərəkətini bərpa edəcəklərinə ümid edir.
Avqustun 5-də BakıTravmatologiya İnstitutunda Arif Hacıyevin səkkizinci əməliyyatı baş tutacaq. "YAŞAT" Fondunun təşəbbüsü ilə gözündən əməliyyat olunmuş Vətən Müharibəsi iştirakçısının növbəti əməliyyatı qolunda aparılacaq. Onun qoluna sümük nəql ediləcək.

- Qolumda sinirlər zədələndiyindən əl hərəkətim məhdudlaşıb. Mən qarafik dizaynerəm. Əvvəllər SİNTEKS şirkətində çalışırdım. Ancaq indi işə çıxa bilmirəm. Sağ olsunlar, hər ay əmək haqqımı ödəyirlər. Sağalandan sonra işimə geri dönməyi düşünürəm. Qol əməliyyatında sonra uzun müddətli fizioterapiya da almalıyam. Döyüşdən sonra sol gözüm yüz faiz görsə də, sağ gözüm heç görmürdü. İndi 30 faiz görə bilirəm. Görmə qabilliyyətim əməliyyatdan sonra 20 faiz artıb. Həkimlər söz veriblər ki, məyyən müddətdən sonra daha yaxşı görə biləcəyəm -, deyən qazi tezliklə sağalıb əvvəlki sağlam həyatına geri qayıdacağı günü səbirsizliklə gözləyir.

Yəhudi qadının ölmüş ərinin gözünü bağışladığı qazi: “Bunu eşidəndə çox sevindim”

Qeyd edək ki, hərbi səfərbərlik çağırışından sonra Vətən Müharibəsinə qatılan Arif Hacıyev Füzuli və Cəbrayıl istiqamətlərində döyüşüb. Müharibə zamanı o, sağ gözündən və qolundan yaralanıb.

Şahanə Rəhimli
Azvision.az



Teqlər:   qazi  





Xəbər lenti