Azay Quliyev ATƏT PA-nın Cənub-Şərqi Avropa üzrə Xüsusi Nümayəndəsi təyin edilib

  20 Avqust 2021    Oxunub :798
Azay Quliyev ATƏT PA-nın Cənub-Şərqi Avropa üzrə Xüsusi Nümayəndəsi təyin edilib
ATƏT Parlament Assambleyasının vitse-prezidenti Azay Quliyev cari ilin avqustun 16-da qurumun prezidenti Marqareta Sederfelt tərəfindən ATƏT PA-nın Cənub-Şərqi Avropa üzrə Xüsusi Nümayəndəsi təyin olunub.
Azvision.az xəbər verir ki, bu barədə ATƏT PA-nın rəsmi saytında məlumat verilib. Bildirilib ki, Xüsusi Nümayəndə bir sıra mühüm səlahiyyətlərə malikdir. Bunlardan Cənubi-Şərqi Avropa ölkələrində siyasi və seçki proseslərini, dövlət quruculuğu, regional əməkdaşlıq, bölgə ölkələrinin müəyyən etdiyi xarici siyasət prioritetlərinin təkamülü də daxil olmaqla bölgədəki əsas siyasi və digər hadisələrin monitorinqini qeyd etmək olar. Bundan başqa Xüsusi Nümayəndə Qərbi Balkanlar da daxil olmaqla, regional əməkdaşlıq proseslərini inkişaf etdirmək üçün parlament səviyyəsində əməkdaşlığa xüsusi yer ayırmalı, regional dialoqun inkişafına töhfə verməlidir. Diqqəti cəlb edən əsas məqamlardan biri də odur ki, bu mandata ATƏT-in Sahə Əməliyyatlarının dəstəklənməsi, ATƏT-lə ATƏT PA arasında fəaliyyətin əlaqələndirilməsi də daxildir.

Xüsusi Nümayəndə Cənub-Şərqi Avropada miqrasiya və terrorizmlə mübarizə sahəsində ATƏT institutları ilə Assambleyanın komitələri arasında kommunikasiyanın qurulmasına da köməklik edəcək.



Azvision.az

Teqlər: Azay-Quliyev  







Xəbər lenti