Bildirilir ki, etirazçıların hiddətinə səbəb Ermənistan parlamentinin spikeri Alen Simonyanın məhbuslarla bağlı qalmaqallı açıqlamaları olub.
Erməni spiker: "Mənim üçün erməni əsir yoxdur"- VİDEO |
Etirazçı onu da əlavə edib ki, hazırda valideynlər ölkənin müxtəlif bölgələrindən İrəvana axın edirlər. O, erməni məhbusların və itkin düşən əsgərlərin yaxınlarını təcili hökumət binasına gəlməyə çağırıb.
Xatırladaq ki, bu gün sosial şəbəkədə spiker Simonyanın erməni cəmiyyətində etiraza səbəb olan qalmaqallı videosu yayılıb. Ermənistan parlamentinin sədri məhbusların artıq onun üçün mövcud olmadığını deyib. Simonyanın sözlərinə görə, sözügedən hərbçilər silahlarını yerə ataraq, qaçıblar və itkin düşüblər ki, nəticədə də onlar qarşı tərəfə əsir düşüblər.
Tural Tağıyev
AzVision.az