Sarkisyan məhkəmədə əsəbləşdi: "Siyasi sifarişə görə burdayam"

Sarkisyan məhkəmədə əsəbləşdi: "Siyasi sifarişə görə burdayam"
  13 Yanvar 2022    Oxunub:1284
Bu gün Ermənistanda "Sarkisyan işi" üzrə növbəti məhkəmə prosesi keçirilib. AzVision.az xəbər verir ki, bu barədə yerli media məlumat yayıb.
Bildirilir ki, eks-prezident Serj Sarkisyan proses zamanı hakimə etiraz edərək hiddətini ifadə edib.

Sarkisyan külli miqdarda rüşvət almaqda ittiham olunur
- Ermənistan Respublikasının üçüncü prezidenti Serj Sarkisyan "Sarkisyan və digərlərinin işi" üzrə dinləmələr zamanı əsəbləşib. O, “iş siyasi sifarişdir və onu burada iştirak edən prokurorluğun nümayəndəsi icra edir” deyib. Qeyd edək ki, bu gün keçirilən məhkəmə iclasında məlum işə daxil edilmiş sənədlər araşdırılıb,-məqalədə yazılıb.



Xatırladaq ki, Serj Sarkisyan hakimiyyətdən devrildikdən sonra ona qarşı bir neçə dəfə cinayət işi qaldırılaraq həbs edilməyə cəhdlər olub.

Sonuncu ittiham isə ötən ilin noyabrında qarşı külli miqdarda rüşvət almaq iddiası ilə irəli sürülüb. Ermənistanın Korrupsiyaya Qarşı Mübarizə Komitəsinin mətbuat xidməti məlumat yaymışdı ki, Sarkisyan barəsində başqa yerə getməmək haqqında intizam qətimkan tədbiri seçilib.

Bundan əvvəl isə Ermənistan Xüsusi İstintaq Komitəsi keçmiş prezident Serj Sarkisyanın Almaniyanın Baden-Baden şəhərinə səfərləri ilə bağlı cinayət işi açıb. Bildirilib ki, oktyabrın 8-də Baş Prokurorluğa cinayət işinin başlanması ilə bağlı istintaq materialları daxil olub. İş Cinayət Məcəlləsinin 308-ci maddəsinin 2-ci hissəsi ilə açılıb.

Xatırladaq ki, avqustun 25-də parlamentdə çıxış edən Vətəndaş Müqaviləsi fraksiyasından olan deputat Xaçatur Sukiasyan keçmiş prezident Serj Sarkisyanın Baden-Baden şəhərindəki qumarxanalarda 100 milyon dollar uduzduğunu bildirib.

Tural Tağıyev
AzVision.az



Teqlər:   Sarkisyan   Məhkəmə  



Xəbər lenti


Azvision.az ©2014 | Bütün hüquqları qorunur