Stoltenberq: "NATO-nun 100 təyyarəsi hazır vəziyyətə

Stoltenberq: "NATO-nun 100 təyyarəsi hazır vəziyyətə gətirilib"

15:05 23 Fevral 2022 Oxunub:2284

NATO-nun baş katibi Yens Stoltenberq Rusiyaya xəbərdarlıq edib. AzVision.azxəbər verir ki, bu barədə "Reuters" məlumat yayıb.

Baş katibin sözlərinə görə, Ukrayna ətrafında vəziyyətin gərginləşməsi fonunda NATO komandanlığı 100-dən çox hərbi təyyarəni havaya qaldıra bilər. O vurğulayıb ki, lazım gəlsə, hərbi blok Şərqi Avropada mövcudluğunu gücləndirəcək.

Separatçılar Ukrayna mövqelərini "Qrad"la vurdular - VİDEO

- Biz Rusiyanı geri çəkilməyə çağırırıq... Hücumdan imtina etmək heç vaxt gec deyil,-Stoltenberq deyib.

Baş katib hesab edir ki, Rusiya hakimiyyəti “Ukraynaya hücumu planlaşdırmaqda” davam edir. O, Rusiya Federasiyasının Donbasda çoxlu sayda təxribat törətdiyini qeyd edib. Onun fikrincə, hazırda təhlükəsizlik sferasında çox təhlükəli məqam müşahidə edilir.

Xatırladaq ki, Rusiya Prezidenti Vladimir Putin fevralın 21-də Təhlükəsizlik Şurasının fövqəladə geniş iclasından sonra vətəndaşlara müraciət edərək, qondarma "LXR" və "DXR"-in suverenliyini dərhal tanımaq barədə qərar qəbul etməyi zəruri sayıb. Müraciətdən sonra Prezident Kremldə hər iki ərazini tanıyan fərmanlar imzaladı.

Qeyd edək ki, son aylar Rusiya ilə Qərb ölkələri arasında Ukrayna məsələsinə görə gərginlik yaranıb. Bu beynəlxalq hərbi-siyasi gərginliyi "Ukrayna böhranı" da adlandırırlar. NATO və ABŞ rəsmiləri Rusiyanın Ukrayna ilə sərhədə 100 mindən çox qoşun toplamasını Moskvanın qonşusunu işğala hazırlaşması ilə əlaqələndirib.

Rusiya rəsmiləri isə silahlı qüvvələrini öz ərazisində yerdəyişmə etmək üçün suveren hüquqa malik olduğunu bəyan edərək bu cür hərbi gedişlərin, heç kimi təhdid etmədiyini söyləyirlər. ABŞ və bəzi Avropa ölkələri Ukraynada yeni münaqişənin başlanacağı təqdirdə Rusiyanı “görünməmiş sanksiyalarla” hədələyir. Artıq Rusiya prezidenti Vladimir Putin xalqa müraciət edərək "Luqans" və "Donetsk Xalq Respublikaları"nın müstəqilliyinin tanınması haqqında fərmanlar imzalayıb. Bütün bunların fonunda Şimali Atlantika Alyansı da Şərqi Avropada mövcudluğunu gücləndirir.

Tural Tağıyev
AzVision.az

Teqlər: Rusiya NATO