“The New York Times” əməkdaşlarını Rusiyadan çıxarır

“The New York Times” əməkdaşlarını Rusiyadan çıxarır
  08 Mart 2022    Oxunub:1355
Amerikanın “The New York Times” qəzeti Rusiyadakı işçilərini ölkədən çıxarır. AzVision.az xəbər verir ki, redaksiya rəhbərliyi buna səbəb kimi Rusiya hərbçilərinin hərəkətləri ilə bağlı "feyk" xəbərlər haqqında yeni Rusiya qanununun qəbul edilməsini göstərib.
Qəzet çərşənbə axşamı yaydığı bəyanatda "bir müddət əvvəl qəbul olunan qanundan sonra jurnalistləri müvəqqəti olaraq Rusiyadan çıxarırıq" deyilir.

Rusiyada ordu ilə bağlı saxta məlumat yayanlar həbs ediləcək
Xatırladaq ki, martın 4-də Dövlət Duması üçüncü, yekun oxunuşda Rusiyada ordu ilə bağlı saxta məlumat yayanların həbs ediləcyinə dair qanun layihəsini qəbul edib.

Bununla da Rusiya Federasiyasının Cinayət və Cinayət Prosessual məcəllələrinə dəyişikliklər edildi. Bundan sonra Rusiya Silahlı Qüvvələrinin hərəkətləri haqqında bilərəkdən yalan məlumatların ictimaiyyətə yayılmasına görə 700 mindən 1,5 milyon rubla qədər və ya əmək haqqı məbləğində cərimə nəzərdə tutulur. Habelə eyni əməl 18 ayadək müddətə məhkumluq, və ya bir ilədək müddətə islah işləri, üç ilədək müddətə məcburi əmək, yaxud da eyni müddətə azadlıqdan məhrum etmə ilə cəzalandırılır.

Tural Tağıyev
AzVision.az



Teqlər:   Rusiya   Qanun  



Xəbər lenti


Azvision.az ©2014 | Bütün hüquqları qorunur