Çin Ukrayna problemi ilə bağlı ABŞ-a xəbərdarlıq etdi

Çin Ukrayna problemi ilə bağlı ABŞ-a xəbərdarlıq etdi
  09 Mart 2022    Oxunub:2032
"ABŞ Ukrayna böhranını həll edərkən və Moskva ilə münasibətlərində Çinin narahatlığını nəzərə almalı və heç bir halda Pekinin hüquq və maraqlarını pozmamalıdır". AzVision.az xəbər verir ki, bunu Çin Xarici İşlər Nazirliyinin sözçüsü Zao Lijian çərşənbə günü brifinqdə deyib.
- Sanksiyalar heç vaxt problemlərin həlli üçün effektiv üsul olmayıb, Çin ABŞ-ın hər hansı birtərəfli sanksiyalarına və onların ekstraterritorial yurisdiksiyadan istifadəsinə qəti şəkildə qarşıdır, - diplomat deyib.

Ərəb ölkələrinin rəhbərləri Baydenlə danışıqlardan imtina ediblər
O vurğulayıb ki, ABŞ Ukrayna probleminin həllində və Rusiya ilə münasibətlərində Çinin narahatlığını ciddi qəbul etməli və heç bir halda Çinin hüquq və maraqlarına xələl gətirməməlidir.

- Çin müəssisələrimizin və vətəndaşların qanuni hüquq və maraqlarını qorumaq üçün bütün lazımi tədbirləri görəcək, - o deyib.

Xatırladaq ki, Qərb ölkələri Ukraynaya görə yeni anti-Rusiya sanksiyaları tətbiq edib. Xüsusilə, Rusiya Federasiyasının bir neçə ən böyük bankı, o cümlədən "Sberbank" və "VTB" sanksiyaların təsirinə məruz qalıb. Avropa İttifaqı, ABŞ, Kanada və bir sıra digər ölkələr isə Rusiya təyyarələri üçün səmanı bağlayıb. Bir sıra dövlət şirkətləri xarici kapitalı cəlb etməkdə də çətinlik çəkirlər.

Tural Tağıyev
AzVision.az



Teqlər:   ABŞ   Çin  



Xəbər lenti


Azvision.az ©2014 | Bütün hüquqları qorunur