|
| İtaliya rus oliqarxların 800 milyon avroluq aktivlərini dondurub |
- İşğal 27 gündür dayanmır. Demək olar ki, bir aydır. Ona görə də daha çox sanksiyalara ehtiyac var. Daha çox təzyiq lazımdır ki, Rusiya Liviyada, Suriyada və ya hardasa hərbi ehtiyatlar, muzdlular axtarmasın, sülh axtarsın, - Zelenski qeyd edib.
O avropalılar kimi heç vaxt döyüşmək istəməyən bir xalqa malik olduğunu xatırladıb.
- Ukraynaya müharibə gətirənləri tanıyırsınız, müharibə əmrini verənləri və onu təbliğ edənləri açıq-aydın tanıyırsınız. Demək olar ki, hamısı İtaliyadan istirahət yeri kimi istifadə edir. Ona görə də qatillərin kurortu olmayın! "Şəhrizadədə"n tutmuş kiçiyinə kimi onların bütün daşınmaz əmlakı, hesablarını, yaxtalarını bloklayın. Rusiyada nüfuzu olan hər kəsin aktivlərini bloklayın,- Zelenski vurğulayıb.
Qeyd edək ki, bu gün İtaliya baş naziri Mario Draqi ölkədə Rusiya oliqarxlarına məxsus dondurulmuş aktivlərin dəyərini açıqlayıb. Onun sözlərinə görə İtaliyada Avropa Birliyinin sanksiyalarına salınmış Rusiya oliqarxlarının həbs qoyulmuş aktivlərinin dəyəri 800 milyon avrodan çoxdur.
Tural Tağıyev
AzVision.az
Vaxtında, Aydın, Lazımlı!
-1783098976.jpg&h=190&w=280&zc=1&q=100)
