"Naqilləri bir-birinə vuraraq yandırdım" - Dağıntılardan siqaretlə çıxan kişi

   "Naqilləri bir-birinə vuraraq yandırdım" -    Dağıntılardan siqaretlə çıxan kişi
  15 Fevral 2023    Oxunub:869
Türkiyənin Adıyaman şəhərində baş verən zəlzələnin 3-cü günü axtarış-xilasetmə qrupları tərəfindən dağıntılar altından çıxarılarkən ağzında siqaret olan Soner Tuğtekin hadisə ilə bağlı danışıb.
"Bina bir anda üzərimizə çökdü. Sütun qızımın üstünə düşdü. Yoldaşımı özümə tərəf çəkməyə çalışdım, ancaq qolu çarpayının bazasına ilişmişdi. Oğlum divanın altında idi, ancaq onu çəkə bildim...Yanımda yalnız tütün və 1,5 litr su vardı. Çox çəkdiyim üçün alışqanımın qazı bitdi. Siqaretimi yandıra bilmirdim. Batareyaları parçaladım və naqillərini bir-birinə vuraraq yandırdım.

58 yaşlı kişi 3 gün su və tütünlə sağ qalmağa çalışdığını qeyd edib.

"Kömək üçün qışqırırdıq. Cavab gələndə bir-birinin ardınca siqaretləri yandırmağa başladım. Ona görə də çıxanda əlimdə siqaret var idi. Xədicəmdən ayrılmaq istəmədiyim üçün xəstəxanaya getmək istəmirdim. Xəstəxanadan çıxıb dağıtılar olan yerə gəldim. Yoldaşımın cansız bədəni çıxarılan 4-cü günə qədər səkidə yatdım", - deyə o, açıqlayıb.



Aygün Xankişiyeva
AzVision.az


Teqlər:





Xəbər lenti