“İmtinaya əsas səbəb odur ki, 44 gün davam edən hərbi əməliyyatlar, ondan əvvəlki və sonrakı hadisələrlə bağlı məlumat məxfi xarakter daşıyır. Əsassız və qanunsuz saxlanıldığım üçün mən bu məlumatlatla yaxından tanış ola bilmirəm", - eks-nazirin adından yayılmış məlumatda deyilir.

Tonoyan müharibə ilə bağlı komissiyada dinləmələrə cəlb olunacaq

David Tonoyan onu da qeyd edib ki, komissiyaya dəqiq məlumat və faktlar təqdim etmək üçün müvafiq məlumatlara malik olmaq lazımdır.

"Bu arada eks-nazirin 20 noyabr 2020-ci il tarixindən etibarən nazirliyin fəaliyyəti ilə heç bir əlaqəsi yoxdur, əlavə olaraq o, 1 il 7 aydır ki, saxta yolla cəmiyyətdən təcrid olunub”,- saytlar yazıb.

Xatırladaq ki, bir müddət öncə Ermənistan parlamentinin müdafiə və təhlükəsizlik komissiyasının rəhbəri Andranik Köçəryan keçmiş müdafiə naziri David Tonoyanın müharibə ilə bağlı araşdırmaları üçün İstintaq Komissiyasının iclasında iştirakı ilə bağlı cavab gözlədiyini bildirmişdi. Qeyd edək ki, məlum komissiya 2022-ci ilin yanvarında yaradılıb və müharibədə məğlubiyyətin səbəblərini öyrənmək üçün nəzərdə tutulub.

Tural Tağıyev
AzVision.az