Bu fikirlər "Politico" dərc olunan məqalədəndir.

"Terror izləri Kiyevlə ABŞ-a aparır" - Patruşev

Qeyd edilir ki, hücuma görə məsuliyyəti İŞİD terror təşkilatı üzərinə götürsə də, Kreml günahı Ukrayna, ABŞ və Böyük Britaniyada görür.

Müəllif yazıb ki, Rusiya terror aktına cavab olaraq miqrantlara, ölkədəki etnik azlıqlara, o cümlədən Mərkəzi Asiyadan olan və ümumilikdə qeyri-slavyan görünüşlü insanlara qarşı repressiyalara əl atır. Moskva kütləvi həbslər həyata keçirir, miqrantları Rusiya Federasiyasından deportasiya edir.

Nəşrin məlumatına görə, gücləndirilmiş yoxlama tədbirləri və axtarışlar nəticəsində martın sonunda 40-a yaxın miqrant Moskva yaxınlığında iş yerindəcə saxlanılıb. 400-dən çox insan isə ölkədən deportasiya edilib: "Məhz bu səbəbdən Tacikistan, Özbəkistan və Qırğızıstan hökumətləri Rusiyadakı vətəndaşlarını ictimai tədbirlərdə iştirakdan çəkinməyə, maksimum dərəcədə yaşadığı evlərdən tərk etməməyə çağırıb".

Miqrantlar internet üzərindən təhdidlər alırlar. Burada millətçilər onları “evlərinə qayıtmağa” çağırırlar. Nəşrin məlumatına görə, hətta Asiya əsilli bəzi ruslar Mərkəzi Asiyaya köçmək imkanlarını nəzərdən keçirirlər.
Qeyd edək ki, martın 22-də Rusiyanın Moskva vilayətindəki “Crocus City Hall”da terror aktı baş verib. Hadisə nəticəsində 140-dan çox adam ölüb.

AzVision.az