Bu barədə Rusiya Xarici İşlər Nazirliyinin (XİN) xüsusi tapşırıqlar üzrə səfiri Rodion Miroşnik məlumat yayıb. XİN rəsmisi TASS-a açıqlamasında deyib ki, Ukrayna Rusiya Federasiyasında mülki hədəflərə zərbələrin intensivliyini 10-15% artırıb.
O qeyd edib ki, martın 31-dən aprelin 6-dək Ukrayna Silahlı Qüvvələrinin Rusiyanın mülki hədəflərinə hücumlarının sayı daha da artaraq gündə təxminən 300-ə çatıb: "Ukrayna yaraqlılarının zərbələrinin hədəfi infrastrukturlar, o cümlədən enerji və su infrastrukturu, mülki yaşayış binaları, mülki nəqliyyat, mülki sənaye obyektləri, səhiyyə və təhsil müəssisələridir. Son bir həftə ərzində nasistlərin atəşindən 114 mülki şəxs zərər çəkib: 1-i azyaşlı olmaqla 106 nəfər yaralanıb, 8 nəfər həlak olub".
Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçdi. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Ukrayna ordusu 2024-cü ildə gözlənilmədən Rusiyanın Kursk vilayətinə girdi. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib. Kurskun işğalda qalmış əraziləri yenidən geri qaytarılıb.
Tural Tağıyev
AzVision.az
Vaxtında, Aydın, Lazımlı!
-1744738920.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
