Şahbaz Şərif: “Var gücümüzlə cavab verəcəyik”

Şahbaz Şərif: “Var gücümüzlə cavab verəcəyik”
  26 Aprel 2025    Oxunub:407
Pakistanın Baş naziri Şahbaz Şərif Pahalqam hadisəsindən sonra Hindistanın iddialarını rədd edib.
AzVision.az xəbər verir ki, Şahbaz Şərif eyni zamanda, Hindistanın şimalında turistlərə hücumla bağlı təhqiqatda Pakistanın əməkdaşlığa hazır olduğunu bildirib. Amma su Pakistan üçün xilasedici dairə rolu oynadığından bu məsələdə heç bir güzəşt ola bilməz.

“Müqaviləni pozaraq suyumuz kəsilərsə, bütün gücümüzlə cavab verəcəyik. Bu, müzakirə oluna bilməz. Silahlı qüvvələrimiz ölkənin suverenliyini müdafiə etməyə tam qadirdir və buna hazırdır”, - baş nazir Pakistan Hərbi Akademiyasında kursantların buraxılış mərasimində çıxışı zamanı deyib.

Hindistan-Pakistan sərhədində atışma olub
Şahbaz Şərif Pakistanın terror aktları nəticəsində 90 minə yaxın vətəndaşını itirərək, milyardlarla dollar dəyərində iqtisadi itkilərə məruz qaldığını diqqətə çatdırıb.

- Sülh bizim arzumuzdur, lakin bu, zəiflik kimi qəbul edilməməlidir”, - Pakistan hökumətinin başçısı vurğulayıb.

Xatırladaq ki, Hindistanın şimalında turistlərə hücum nəticəsində 26 nəfər ölüb, onlarla insan yaralanıb. Hücuma görə məsuliyyəti Pakistanda yerləşən “Ləşkər-e-Taibə”nin qolu olan “Müqavimət Cəbhəsi” öz üzərinə götürüb.

Sahil İsgəndərov
AzVision.az


Teqlər:   Pakisatan   Hindistan  





Xəbər lenti


Azvision.az ©2014 | Bütün hüquqları qorunur