AzVision.az xəbər verir ki, Türkiyənin NTV telekanalında yayımlanan süjetdə belə deyilir.
Xəbər kanalının diqqət çəkdiyi əsas məqam stansiyanın seysmik fəallıq zonasına düşməsidir.
“1976-cı ildə inşa olunan AES İrəvandan cəmi 35 kilometr, Türkiyə sərhədindən isə 16 kilometr məsafədə yerləşir. 1988-ci il zəlzələsindən sonra Ermənistan hakimiyyəti stansiyanın fəaliyyətini altı il müddətinə dayandırmışdı, lakin 1995-ci ildə onu yenidən işə saldı”, - telekanal xatırladır.
Reportajda Qərb ekspertlərinin, xüsusilə də Peter Marko Teysin fikirləri təqdim olunur. O, köhnəlmiş AES-i “təhlükəsizlik baxımından ciddi təhdid mənbəyi” adlandırır.
- Əgər bu stansiyada hər hansı qəza baş verərsə, Çernobıl ssenarisi təkrarlana bilər. Onun nəticələri, o cümlədən çirklənmə və digər fəsadlar Avropada onilliklər boyu hiss olunacaq”, - ekspert vurğulayır.
O, beynəlxalq ictimaiyyəti, xüsusilə də Avropa İttifaqı və ABŞ-ni vəziyyətə dərhal müdaxilə etməyə və bununla da qlobal təhlükənin qarşısını almağa çağırıb.
NTV telekanalı Böyük Britaniyanın “Daily Mail” nəşrinə istinadən bildirir ki, Metsamor AES-in fəaliyyəti ilə bağlı narahatlıqlar hələ 1995-ci ildə Ermənistanın özündə də səsləndirilmişdi. Həmin vaxt Ermənistan parlamentinin ətraf mühit üzrə komitəsinin müşaviri Viktoriya Ter-Nikoqosyan Metsamor AES-də baş verəcək istənilən qəzanı “Ermənistanın sonu” adlandırmışdı.
Telekanal vurğulayır ki, beynəlxalq ictimaiyyət Metsamor AES-dən qaynaqlanan təhlükə barədə Ermənistanı illərdir xəbərdar edir.
Reportajda Beynəlxalq Atom Enerjisi Agentliyinin nümayəndəsi (MAQATE) Morris Rousenin Metsamor AES-i “açıq-aşkar qeyri-kafi” adlandırdığı qeyd olunur.
AzVision.az
NTV: “Metsamor AES ciddi nüvə təhlükəsi mənbəyidir”
26 İyul 2025
Oxunub:1124
Ermənistanda yerləşən köhnəlmiş Metsamor Atom Elektrik Stansiyası (AES) region ölkələri üçün ciddi təhlükə mənbəyi sayılır. Bu mövqeni bir çox ekspertlər bölüşür və sovet dövründə inşa olunmuş bu stansiyanı “saat mexanizmi ilə işləyən bomba” və “yeni mümkün Çernobıl” adlandırırlar.
Vaxtında, Aydın, Lazımlı!
-1780404767.jpg&h=120&w=187&zc=1&q=70')
