“Odessa vilayətində qazpaylayıcı stansiyaya da iyrənc hücum olub. Çerniqov, Xarkov və Poltava vilayətlərini də atəşə tutublar. Ümumilikdə 60-dan çox PUA və bir ballistik raket atılıb. Bütün bunlar nümayişkaranə zərbələrdir ki, bu da Moskvaya təzyiq göstərmək zərurətini, diplomatiya tam gücü ilə işə başlayana qədər yeni sanksiyalar və rüsumların tətbiqinin zəruriliyini təsdiqləyir”, - Ukrayna prezidenti vurğulayıb.
Avqustun 20-nə keçən gecə Rusiya Odessa vilayətinin İzmail rayonuna pilotsuz uçuş aparatları ilə hücum edərək liman infrastrukturuna və istehsalat obyektlərinə ziyan vurub.
Ukrayna Dövlət Fövqəladə Hallar Xidmətinin məlumatına görə, hücumun hədəfi zərbələr nəticəsində böyük yanğının baş verdiyi yanacaq-energetika infrastrukturu obyekti olub.
— Newsfeed (@Newsfeed883920) August 20, 2025
Bundan əlavə, Rusiya ilə sərhədə yaxın Sumı vilayətinin Axtırka şəhəriniin kütləvi atəşə tutulması nəticəsində uşaqlar da daxil olmaqla 12 nəfərin yaralandığı barədə Ukrayna Milli Polisi məlumat yayıb.
Xatırladaq ki, avqustun 18-nə keçən gecə isə Rusiya ordusunun Odessa vilayətinə kütləvi hücumu Azərbaycanın SOCAR şirkətinin obyektlərinin alovlanmasına səbəb olub.
Sahil İsgəndərov
AzVision.az
Vaxtında, Aydın, Lazımlı!
-1780404767.jpg&h=120&w=187&zc=1&q=70')
