İsrail Dəməşqin cənubunda xüsusi əməliyyat keçirir

İsrail Dəməşqin cənubunda xüsusi əməliyyat keçirir
  25 Avqust 2025    Oxunub:859
İsrailin xüsusi təyinatlı qüvvələrinin 11 zirehli texnikası Dəməşqin cənubundakı Beyt-Can bölgəsini təmizləyir.
AzVision.az “Syria TV” telekanalına istinadən xəbər verir ki, İsrail ordusunun (ÇAXAL) 60 əsgəri bu gün səhər saatlarında Beyt-Can bölgəsinə daxil olaraq, Hermon dağının yamacındakı Batt əl-Varda yüksəkliklərini ələ keçirdikdən sonra orada müşahidə məntəqəsi qurublar.

Əvvəllər Beyt-Canda Fələstin fraksiyaları və şiə birləşmələri fəaliyyət göstərirdi. Orada sonuncu təmizləmə iyunun 28-də baş tutub.

Avqustun 22-də isə İsrail qüvvələrinin mexanikləşdirilmiş patrul dəstələri Abdin (Dərəa əyaləti) və Əl-Əcrəf (Əl-Kuneytra əyaləti) şəhərlərində yol qovşaqlarında bloklar quraraq, radikal təşkilatlara mənsub olmaqda şübhəli bilinən bir neçə nəfəri saxlayıblar.

Sahil İsgəndərov
AzVision.az


Teqlər: İsrail   Suriya   əməliyyat  



Xəbər lenti