AzVision.az xəbər verir ki, Ukraynanın Müdafiə naziri Denis Şmıqal rumıniyalı həmkarı İonu Moştyanu ilə Kiyevdə keçirdiyi görüşdən sonra jurnalistlərə açıqlamasında Buxarestin indiyədək Kiyevə artıq 20 paket hərbi kömək təqdim etdiyini bildirib.
Moştyanu, öz növbəsində, deyib ki, bu təchizatların məzmunu ilə bağlı məlumatlar Rumıniyanın Ali Milli Müdafiə Şurasının qərarına uyğun olaraq məxfiləşdirilib.
“Yanaşma belə idi. Demək olar ki, bu, müəyyən mənada ötən illərin ətaləti kimi keçmiş Milli Müdafiə Ali Şurasının yanaşması idi. Şəxsən mən şəffaflığın tərəfdarıyam, bacarsaydım sabah bunu şəffaf edərdim”, - Rumıniyanın Müdafiə naziri “Euronews Romania” verilişinin efirində deyib.
Onun sözlərinə görə, Rumıniya Baş Qərargahı ilə Ukraynanın hərbi hakimiyyət orqanları arasında qonşu ölkənin ehtiyac duyduğu və Rumıniyanın təklif edə biləcəyi yardımla bağlı “daimi dialoq” mövcuddur.
- Biz ora onların ehtiyac duyduqlarını və burada olanları göndərdik, sursat və dəbilqələrdən tutmuş tanklara və “Patriot” raketlərinə qədər”, - İonu Moştyanu bildirib.
Sahil İsgəndərov
AzVision.az
Rumıniya Kiyevə yardımının detallarını gizli saxlayır
27 Avqust 2025
Oxunub:1358
Rumıniya Ukraynaya 20-dən çox hərbi yardım paketi təqdim edib və əlavə dəstək üçün Kiyevlə davam edən məsləhətləşmələri davam etdirir.
Teqlər: Rumıniya Ukrayna yardım
Vaxtında, Aydın, Lazımlı!
-1780404767.jpg&h=120&w=187&zc=1&q=70')
