Bu barədə Qırğızıstan Prezidentinin mətbuat katibi Asqat Alagözov jurnalistlərə məlumat verib. O diqqətə çatdırıb ki, ölkə başçısının bu qərarına səbəb İsıkgöl vilayətində azyaşlı qızın xüsusi amansızlıqla öldürülməsidir. Mətbuat katibinin sözlərinə görə, cinayət işi Sadır Japarovun şəxsi nəzarəti altındadır.
"O bu qəbildən cinayətlərə, yəni uşaqların və qadınların zorlanmalarına, öldürülmələrinə qarşı daha sərt cəzaların irəli sürülməsini istəyir. Bu məqsədlə qanun layihəsinin hazırlanması üçün Prezident Administrasiyasının hüquqi təminat şöbəsinin müdiri Murat Ukuşevə tapşır verib. Söhbət ölüm hökmünün tətbiqindən gedir. Prezident vurğulayıb ki, belə cinayətlər cəzasız qalmamalıdır", - Asqat Alagözov söyləyib.
Məlumat üçün diqqətə çatdıraq ki, Qırğızıstanda sentyabrın 27-də 2008-ci il təvəllüdlü Karakol şəhər sakini Aysulu Mukaşeva itkin düşüb. Onun cəsədi Jel-Arık kəndi yaxınlığında tapılıb. Aparılan təhqiqatda üzə çıxıb ki, qız zorlanıb, ardınca boğularaq öldürülüb. İstintaq nəticəsində hadisədə şübhəli bilinən 1984-cü il təvəllüdlü şəxs paytaxt Bişkekdə saxlanılıb.
Qırğızıstanda 1991-ci ildən bəri ölüm hökmü həyata keçirilməyib. 2007-ci ildə isə bu cəza tamamilə aradan qaldırılıb.
Firudin Həmidli
AzVision.az
Qırğızıstanda ölüm hökmünün bərpası nəzərdən keçirilir
01 Oktyabr 2025
Oxunub:876
Qırğızıstan Prezidenti Sadır Japarov uşaqlara və qadınlara qarşı xüsusilə ağır cinayətlərə görə ölüm hökmünün tətbiqi üzrə qanun layihəsinin hazırlanması üçün göstəriş verib.
Teqlər: Qırğızıstan cinayət ölüm-hökmü
Vaxtında, Aydın, Lazımlı!
-1780587274.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
