“ABŞ hər zaman Azərbaycanı dəstəkləyəcək” - Robert Sekuta
AzVision.az-ın verdiyi xəbərə görə, qəbulda çıxış edən səfir Robert Sekuta bildirib ki, müstəqilliyin 241 illiyi ABŞ-la Azərbaycanın diplomatik münasibətlərinin 25 illiyinə təsadüf edir:
Səfir bildirib ki, müstəqilliyinin ilk günlərindən ABŞ hər zaman Azərbaycanın yanında olub: "Biz müstəqil, sabit inkişaf edən və demokratik Azərbaycanı hər zaman dəstəkləyəcəyik".
Robert Sekuta jurnalistlərə açıqlamasında isə bildirib ki, ABŞ Dağlıq Qarabağ münaqişəsinin həlli prosesinə sadiqdir.
Diplomatın fikrincə, bu yaxınlarda baş verən dəhşətli hadisə göstərdi ki, münaqişənin həlli üçün dinc, danışıqlar yolu ilə irəliləmək vacibdir: “Dağlıq Qarabağ münaqişəsinin hərbi yolla həlli yoxdur. Münaqişə tərəfləri bir araya gələrək münaqişənin danışıqlar və sülh yolu ilə nizamlanmasına nail olmalıdır".
Eldar Tanrıverdiyev
AzVision.az
Teqlər: ABŞ Azərbaycan Səfir Robert-Sekuta