Gəncədə YAP fəalları arasında peyntbol yarışı keçirilib
Gərgin idman mübarizəsi şəraitində keçən yarışın finalında Azərbaycan Dövlət Aqrar Universitetinin komandası rəqib komandadan güclü olduğunu nümayiş etdirib. Gəncə Regional Kollecinin tələbələri yarışı ikinci, YAP Gəncə şəhər təşkilatı Gənclər Birliyinin fəalarından ibarət komanda isə üçüncü pillədə başa vurub.
Komandaların mükafatlandırılması mərasimində çıxış edən YAP Gəncə şəhər Təşkilatı Gənclər Birliyinin sədri Yüksəl Məmmədov peyntbol hərbi-idman oyununun gənclərin fiziki sağlamlığını qorumaq, hərbi-vətənpərvərlik ruhunu gücləndirmək, silahdan atış vərdişlərini təkmilləşdirmək, asudə vaxtın səmərəli təşkilinə nail olmaq və bu növdə ən güclü idmançıları müəyyənləşdirmək məqsədilə keçirildiyini bildirib. Sonda yarışın mükafatçıları Fəxri Fərmanla təltif ediliblər.
AzVision.az