"Gəncədəki terrorun arxasında xaricdəki qruplar dayanır" - Komitə sədri
AzVision.az xəbər verir ki, bunu jurnalistlərə açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı deyib.
M.Qurbanlı qeyd edib ki, Gəncədə törədilən hadisə terror aktı idi: "Bunu törədənlər isə din adı altında gizləmiş radikal qruplardır. Onların din altında gizlənməsinə səbəb odur ki, din həssas mövzudur. Onlar din adı altında gizlənərək bu cür cinayətkar əməllər törədiblər. Onların arxasında kimlərin, hansı dairələrin dayandığı araşdırılır. İlkin araşdırmalar göstərir ki, onların izləri xaricdəki bəzi qruplara gedib çıxır. Sumqayıtda və digər yerlərdə bu cür qruplar mövcuddur ki, onlar din adı altında gizlənərək belə cinayətlərini törətməyə cəhd edirlər. Bunun üçün müvafiq profilaktik tədbirlər görülür. Hüquq-mühafizə oqranlarının Sumqayıtda apardığı işlər də həmin profilaktik tədbirlərin əsas istiqamətlərindən biridir. Bu məsələdə cəmiyyət dövlətçilik mövqeyi nümayiş etdirir”
AzVision.az
Teqlər: Komitə Mübariz-Qurbanlı