Naxçıvanda qaz və işıqpulu borcu qeydə alınmayıb
Azvision.az xəbər verir ki, Naxçıvan Muxtar Respublikasında şəhər və rayonlarda təbii qazın ödənişi 100% və daha artıq nəticə ilə yerinə yetirilib.
Həmçinin Dövlət Energetika Xidməti üzrə 2018-ci ilin dekabr ayında verilən elektrik enerjisinin miqdarı, elektrik enerjisi satışından toplanan vəsait və ödənilmə faizi məlum olub. Belə ki, muxtar respublikanın şəhər və rayonlarında elektrik enerji ödənişi 100% nəticə ilə yerinə yetirilib. Abonentlərin borcu qeydə alınmayıb.
Qeyd olunub ki, dekabr ayında texniki itki nəzərə alınmaqla daxil olan 26 milyon 740 min kilovat-saat elektrik
enerjisinin dəyəri 2 milyon 203 min 700 manat olmuş, cəmi 2 milyon 202 min 200 manat vəsait toplanıb
ki, bu da istifadə olunan enerjinin dəyərinin 99,9 faizini təşkil edir.
Anar Kəlbiyev
Azvision.az
Teqlər: Energetika Naxçıvan