Azərbaycanlıların Tbilisidəki etirazından FOTOLAR

  08 Fevral 2019    Oxunub : 4367
 Azərbaycanlıların Tbilisidəki etirazından FOTOLAR
Bu gün Tbilisidə parlament binası qarşısında Dağlıq Qarabağda döyüşmüş Mixail Avakyanın büstünün qoyulmasına etiraz olaraq aksiya keçirilib.
Azvision.az xəbər verir ki, 1000 nəfərə yaxın azərbaycanlı və gürcü ictimaiyyətinin nümayəndələri aksiyada iştirak ediblər.

Aksiya iştirakçıları ölkədə separatçı bir şəxsin büstünün qoyulmasını pisləyərək bu halın yolverilməz olduğunu deyiblər.

Aksiyada çıxış edənlər Gürcüstanın ərazi bütövlüyü uğrunda canından keçən azərbaycanlı ölkə vətəndaşlarına indiyə kimi heç bir küçə və ya abidənin olmadığını qeyd ediblər. O da bildirilib ki, azərbaycanlılar tarix boyu Gürcüstan dövlətçiliyinə sadiq olublar.

Aksiyada Sevinc Hümbətova, Tapdıq Yolçuyev, Benyamin Qasımov, Əlibala Əsgərov, Əhməd İmamquliyev, Azər Süleyimanov, Simon Kopadze, Quram Marxuliya, və Tengiz Txelava, eləcə də digər şəxslər çıxış edərək, Azərbaycan və Gürcüstan dostluğundan danışıb və bu cür halların iki ölkə arasında təxribat yaratmaq məqsədi daşıdığını bildiriblər.

Mixail Avakyana büst qoyulmasının Gürcüstanda qeyri-sabitlik yaratmağa yönələn bir addımın olduğu bildirilib və həmin abidənin götürülməsi ilə bağlı şüarlar səsləndirilib.

Onlar Gürcüstan hökumətini büstün götürülməsinə göstəriş verməyə çağırıblar. Təşkilatçılar aksiyanın sonunda deyiblər ki, Mixail Avakyanın büstü götürülməyənə qədər etiraz aksiyaları davam etdiriləcək.

Qeyd edək ki, bir neçə gün bundan qabaq Axalkalaki rayonunun Buğaşen kəndində erməni terrorçu Mixal Avakyanın abidəsinin açılışı olub. Abidənin qoyulması etirazlara səbəb olub.

Azvision.az aksiyadan fotoları təqdim edir:

















Azvision.az

Teqlər: Tbilisi   Aksiya   Gürcüstan   Etiraz