Mingəçevir “ASAN Həyat” kompleksində konsert olacaq

  07 May 2019    Oxunub : 595
Mingəçevir “ASAN Həyat” kompleksində konsert olacaq
9 may 2019-cu il tarixində Mingəçevir “ASAN Həyat” kompleksində Ümummilli lider Heydər Əliyevin anadan olmasının 96-cı ildönümü münasibətilə konsert proqramı təşkil olunacaq.
Azvision.az xəbər verir ki, “ASAN xidmət”, Mingəçevir Şəhər İcra Hakimiyyəti və ASAN Radionun birgə təşkilatçılığı ilə gerçəkləşəcək konsert sakinlərə əsl bayram əhval-ruhiyyəsi yaşadacaq.

Konsert proqramında Xalq artisti Brilliant Dadaşova səhnədə bir–birindən möhtəşəm mahnılarını ifa edəcək.

“ASAN Həyat” konsepsiyası “ASAN xidmət” mərkəzi ilə yanaşı, ictimai iaşə obyektlərini də özündə birləşdirir. Belə ki, vətəndaşlar operativ və nümunəvi xidmətlə yanaşı, bu konseptin istirahət və əyləncə imkanlarından da istifadə edirlər. “ASAN həyat” kompleksi vətəndaş rahatlığı üçün həyat standartlarının yaxşılaşdırılmasına xidmət edən müxtəlif həlləri əhatə edir.

Azvision.az

Teqlər: Mingəçevir   Konsert