Daşgil palçıq vulkanı ərazisində iməcilik keçirilib

  28 May 2019    Oxunub : 603
Daşgil palçıq vulkanı ərazisində iməcilik keçirilib
Ekologiya və Təbii Sərvətlər Nazirliyinin könüllü gəncləri və Palçıq Vulkanları Qrupu Dövlət Təbiət Qoruğu əməkdaşlarının iştirakı ilə Daşgil Palçıq Vulkanı ərazisində iməcilik keçirilib.
Bu barədə Azvision.az -a Ekologiya və Təbii Sərvətlər Nazirliyinin mətbuat xidmətindən məlumat verilib.



Qeyd edilib ki, Daşgil Palçıq Vulkanı ETSN-nin Palçıq Vulkanları Qrupu Dövlət Təbiət Qoruğu siyahısına daxil deyil və ərazi nəzarətdən kənarda qaldığı üçün müxtəlif növ tullantılarla çirklənməyə məruz qalır.

İməcilikdə palçıq vulkanının ərazisi müxtəlif növ tullantılardan təmizlənib, 500 kq-dan artıq plastik tullantı isə toplanaraq Qaradağ MKTB-nin Sanitar Təmizlik İdarəsinə təhvil verilib.



Nazirlik vətəndaşlara müraciət edir ki, Daşgil Palçıq Vulkanı ərazisini tullantılarla çirkləndirməsinlər, əraziyə gedərkən ətrafı təmiz saxlasınlar.

Azvision.az

Teqlər: ETSN   Vulkan   Təmizlik