Ağdamda şəhid olan Aqil Omarov mayor imiş

  30 May 2019    Oxunub : 12652
 Ağdamda şəhid olan Aqil Omarov mayor imiş
Xəbər verdiyimiz kimi, bu gün səhər saatlarında cəbhənin Ağdam rayonu istiqamətində düşmən təxribatı nəticəsində Azərbaycan Ordusunun hərbi qulluqçusu Omarov Aqil Akif oğlu şəhid olub.

Azvision.az-ın əldə etdiyi məlumata görə, 1983-cü il təvəllüdlü Aqil Omarov mayor olub. O, Qax rayonunun Lələpaşa kəndinə yaşayıb.
Tasmalı bələdiyyəsinin sədri Niyaz Həsənov Azvision.az-a bildirib ki, A.Omarov evli olub, iki oğlu yadigar qalıb.

"Aqil Omarov Balakən rayonunda qeydiyyatda olsa da, daimi yaşayış yeri Lələpaşa kəndi idi. Hərbi rütbəsi mayordur. Ailənin 3 övladından biridr. Yaşca ən böyüyü Aqil idi".

Bələdiyyə sədri qeyd edib ki, şəhidin cənazəsi sabah saat 09:00-da Lələpaşa kəndinə gətiriləcək, onunla vida mərasimi keçiriləcək. Şəhidin nəşi həmin kənddə torpağa tapşırılacaq.

Şahanə Rəhimli
Azvision.az

Teqlər: Şəhid   Qax