“Nə edək, hər dəfə kartdan pul çıxaraq?” - Spikerdən nazirə irad

  31 May 2019    Oxunub : 4377
“Nə edək, hər dəfə kartdan pul çıxaraq?” - Spikerdən nazirə irad
Milli Məclisin bu gün keçirilən plenar iclasında parlamentin sədri Oqtay Əsədov post-terminalların işləməməsindən şikayətlənib.

Azvision.az -ın məlumatına görə, O.Əsədov vergilər naziri Mikayıl Cabbarova müraciət edərək deyib ki, post-terminalların fəaliyyəti haqqında fikirləşmək lazımdır.
“Sürətli internet və digər imkanlar, bir sözlə, hər cür şərait qurulub. Belə olan halda, post-terminallar niyə işləməli deyil? Deputatların 30-40 faizi şikayət edir ki, post-terminallar işləmir, nə edək? Əmək haqqını kartla alırıq, gərək hər dəfə kartdan pul çıxaraq? Xahiş edirəm ki, bu məsələni diqqətdə saxlayın”.

Anar Kəlbiyev
Azvision.az

Teqlər: OqtayƏsədov   MilliMəclis