Vasif Talıbov şəhid anasına ev verdi - FOTOLAR

  03 İyul 2019    Oxunub : 1079
Vasif Talıbov şəhid anasına ev verdi - FOTOLAR
Ötən gün Naxçıvan Muxtar Respublikasının Sədərək rayonunda 1 şəhid ailəsinə, sağlamlıq imkanları məhdud 2 Azərbaycan Vətən Müharibəsi iştirakçısına və Çernobıl Atom Elektrik Stansiyasında baş vermiş qəzanın aradan qaldırılmasında iştirak edən 1 nəfərə yeni mənzillər təqdim olunub.
Azvision.az xəbər verir ki, Muxtar Respublikanın Ali Məclisinin sədri Vasif Talıbov mənzillə təmin olunanları təbrik edib, onlara rahat və firavan həyat arzulayıb, mənzillərin orderlərini təqdim edib.



Mənzillə təmin olunan şəhid anası Dilbər Hüseynova, Çernobıl Atom Elektrik Stansiyasında baş vermiş qəzanın aradan qaldırılmasında iştirak edən Qəzənfər Həmzəyev, Azərbaycan Vətən Müharibəsi veteranları Rəhim Salmanov və Ramazan Adnayev göstərilən qayğıya görə müharibə veteranları və şəhid ailələri adından Ali Məclisin sədrinə minnətdarlıq ediblər.

Hər biri 3 otaqdan ibarət olan mənzillər tam təmir olunub, istilik sistemi quraşdırılıb.





Azvision.az

Teqlər: Naxçıvan   Ev   Şəhidailəsi