Prezidentin Romada rəsmi qarşılanma mərasimi oldu - FOTOLAR

  20 Fevral 2020    Oxunub : 3246
 Prezidentin Romada rəsmi qarşılanma mərasimi oldu -  FOTOLAR
İtaliya Respublikasında dövlət səfərində olan Azərbaycan Respublikasının Prezidenti İlham Əliyevin fevralın 20-də Romada rəsmi qarşılanma mərasimi keçirilib.
Azvision.az xəbər verir ki, Prezident İlham Əliyev süvari dəstəsinin müşayiəti ilə Romanın Kuirinale Sarayına gəldi. Azərbaycan dövləti başçısının şərəfinə fəxri qarovul dəstəsi düzülüb.



Prezident İlham Əliyevi və birinci xanım Mehriban Əliyevanı İtaliya Prezidenti Sercio Mattarella və qızı Laura Mattarella qarşılayıblar.

Azərbaycanın və İtaliyanın dövlət himnləri səslənib. Prezident İlham Əliyev fəxri qarovul dəstəsinin qarşısından keçib.



Fəxri qarovul dəstəsinin rəisi dövlətimizin başçısına raport verib. Azərbaycan Prezidenti İlham Əliyev və birinci xanım Mehriban Əliyeva, İtaliya Prezidenti Sercio Mattarella və qızı Laura Mattarella birgə foto çəkdiriblər.



Azərbaycan nümayəndə heyəti İtaliya Prezidentinə, İtaliya nümayəndə heyəti isə Azərbaycan Prezidentinə təqdim olunub.

















Azvision.az

Teqlər: İlham-Əliyev   Prezident   Roma