Kanadada təxribat törədən ermənilərin yeri müəyyən edildi

Kanadada təxribat törədən ermənilərin yeri müəyyən edildi
  02 Avqust 2020    Oxunub:5557
Avqust ayının 1-dən 2-nə keçən gecə Kanadanın Toronto şəhərində yerli erməni icmasının üzvləri soyuq və odlu silahdan istifadə edərək orada yaşayan iki soydaşımıza qarşı növbəti çirkin təxribat törədiblər.
Azvision.az xəbər verir ki, bu barədə Azərbaycanın ​​​​​​​​​Kanadadakı səfirliyi məlumat yayıb.

Bildirilib ki, bir qrup erməninin hücumuna müqavimət göstərən iki soydaşımız müəyyən dərəcəli xəsarətlər alıblar. Soydaşlarımızın vəziyyəti hazırda sabitdir, onlardan biri xəstəxanadadır.

Torontoda yaşayan Azərbaycan icmasının verdiyi məlumata əsasən, cinayət yerinə dərhal icma üzvləri və çox sayda polis gəlib. Polis zərər çəkmiş şəxslərdən izahatlar alıb və icma üzvlərimizin məlumatı əsasında təxribatı törədən milliyyətçə erməni şəxslərin yeri müəyyən edilib.

Fakt üzrə yerli hüquq-mühafizə orqanları tərəfindən axtarış işləri aparılır və müvafiq tədbirlər həyata keçirilir. Baş vermiş təxribatla bağlı icma üzvləri dərhal səfirliyi məlumatlandırıb.

​Səfirlik Kanadanın müvafiq orqanları ilə məsələni nəzarətdə saxlayır və araşdırmanın nəticələri ilə bağlı məlumat təqdim edəcək.

Azvision.az


Teqlər: Kanada   Səfirlik  





Xəbər lenti