Polşa “Şimal axını-2” layihəsinin qarşısını alır

  09 Sentyabr 2020    Oxunub : 1942
 Polşa “Şimal axını-2” layihəsinin qarşısını alır
Polşa Almaniyaya “Şimal axını-2” boru kəmərinin əvəzinə “Baltic pipe” layihəsini təklif etməyə hazırdır.
Azvision.az xəbər verir ki, bunu Polşa hökumətinin sözçüsü Petr Müller bildirib.

“Enerji təhlükəsizliyindən danışarkən nəzərə alınacaq müxtəlif seçimlər var. Polşa bəri başdan bu sahədə Avropa həmrəyliyinin birmənalı olmasının lazımlığını vurğulayıb. Buna görə də Almaniya tərəfdən bu cür ehtiyaclar elan edilərsə, Polşa özünün qurduğu infrastrukturu enerji təhlükəsizliyi üçün istifadə etməyə açıqdır”, -deyə o bildirib.

Qeyd edək ki, “Baltic Pipe” layihəsi Norveç və Danimarka qaz nəqli şəbəkələrinin birləşdirilməsi, Danimarka şəbəkəsinin genişləndirilməsi, Danimarkadan Polşaya Baltik dənizinin dibindən qaz kəmərinin inşası kimi mərhələlərdən ibarətdir. Gələcək qaz kəmərinin illik ötürmə gücü 10 milyard kubmetrdir.

Azvision.az

Teqlər: Rusiya   Polşa   Almaniya