Casus erməni mayor saxlanılıb - Bakıda əməkdaşlığa cəlb edilibmiş

Casus erməni mayor saxlanılıb - Bakıda əməkdaşlığa cəlb edilibmiş
  07 Mart 2023    Oxunub:1633
Hərbi hissələrdən birinin əməliyyat xidmətinin rəisi, mayor A.N. xarici kəşfiyyat orqanlarına işləyib. O, vətənə xəyanətdə ittiham olunur. AzVision.az xəbər verir ki, bu barədə Ermənistan Baş Prokurorluğunun mətbuat xidməti məlumat yayıb.
Qeyd olunur ki, A.N. hərbçi A.T ilə birlikdə 2021-ci ilin iyulunda Ermənistanın Sünik rayonunun İşxanasar kəndi yaxınlığında, Qara göl ətrafında Azərbaycan hərbçiləri tərəfindən əsir götürülüb. A.N. “Ural” maşını ilə döyüş mövqelərinə hərbi ləvazimatlar daşıyırmış. Lakin əlverişsiz hava şəraitinə görə o, Azərbaycanın nəzarətində olan əraziyə keçib.

Agent erməni hərbçi saxlanılıb - VİDEO
A.N. sentyabr ayına qədər Azərbaycanda məhbus olub. İddia olunur ki, o, 2021-ci il sentyabrın 7-də Bakıda xarici ölkələrin xüsusi xidmət orqanlarının nümayəndələri ilə əməkdaşlığa dair razılaşma sənədinə imza atıb.

"Həmin gün A.N. vətənə qaytarılıb. Daha sonra o, hərbi hissələrdən birində əməliyyat xidmətinin rəisi vəzifəsinə təyin edilib. 20,2 min dollardan çox pul alan rəis kəşfiyyata məxfi məlumatlar ötürüb. O, Ermənistan Cinayət Məcəlləsinin müvafiq maddəsi üzrə təqsirli bilinərək dövlətə xəyanətdə ittiham olunub. İş məhkəməyə göndərilib", - məlumatda deyilir.

Xatırladaq ki, Ermənistanın Milli Təhlükəsizlik Xidməti (MTX) son iki ildə ordu ilə bağlı xeyli dövlətə xəyanət faktları aşkarlayı b. 44 günlük müharibədən sonra Ermənistanda xəyanət ittihamı ilə saxlanılan hərbçilər həm döyüşlər vaxtı, həm də müharibədən sonra xarici xüsusi xidmət orqanlarına işləyirlərmiş.

Tural Tağıyev
AzVision.az



Teqlər:   Ermənistan   Xəyanət   Hərbçi  





Xəbər lenti


Azvision.az ©2014 | Bütün hüquqları qorunur