Nəşr yazır ki, qondarma rejimin "Təhlükəsizlik Şurası"nın keçmiş katibi Samvel Babayan Xankəndidəki erməni siyasi elitanın Bakı ilə birbaşa dialoq yolu tutmağa inandırmağa çalışır.

Qarabağ erməniləri 2 separatçı qrupun əsirinə çevrilib

"Çünki yaxın gələcəkdə onlar "iqtisadi çətinliklərdən qırılacaqlar" və bu, rusların da vecinə olmayacaq. Qarabağda deyirlər ki, Samvel Babayan son vaxtlar məlum dialoq ideyasını həyata keçirmək üçün hətta Nikol Paşinyanı da kəskin tənqid etməyə başlayıb. O, həm rusları, həm də Paşinyanı eyni dərəcədə tənqid edir ki, hər iki tərəf problemlərin həlli istiqamətdində əllərini ağdan-qaraya vurmurlar", - məqalədə yazılıb.

Müəllif həmçinin qeyd edib ki, bu bir növ zarafata da oxşayır. Çünki Samvel Babayan Qarabağ ermənilərinin “Kadırovu” (Ramzan Kadırov nəzərdə tutulur-red.) olmaq istəyir.

Qeyd edək ki, Babayan nisbətən loyal fikirləri ilə seçilir. O, hətta Xankədidə oturanların Rəsmi Bakıya qarşı çıxmasının deyil, Azərbaycanla normal danışıqlar aparmağın tərəfdarıdır.

Samvel Babayan 1994-2000-ci illərdə qondarma rejimin "müdafiə ordusunun" rəhbəri də olub. Bir neçə aydır ki, erməni mediası Babayanın Xankəndidə mühüm vəzifə tutmağa hazır olduğunu yazır. Qarabağda olan əksər separatçılar isə ona qarşı çıxırlar. Hətta siyasətçilərdən biri "Samvel Nikol Paşinyanın tezislərini gündəmə gətirir” deyib.

Tural Tağıyev
AzVision.az