Ukraynada daha iki separatçı məmur öldürüldü

Ukraynada daha iki separatçı məmur öldürüldü
  16 Sentyabr 2022    Oxunub:889
Ukraynanın Rusiyanın işğalı altında olan Berdyansk şəhərində yüksək rütbəli məmurlara qarşı sui-qəsd təşkil olunub. Şəhər administrasiyası rəhbərinin müavini Oleq Boyko və onun seçki komissiyasının sədri işləyən həyat yoldaşı öldürülüb.
AzVision.az xəbər bu barədə Zaporojye vilayəti administrasiyasının rəhbəri Yevgeni Balitski məlumat yayıb.

Separatçı "baş prokuror" partlayışda öldü
"Bu gecə faciəli hadisə baş verib. Berdyansk Administrasiyasının rəhbərinin müavini Oleq Boyko və onun Berdyansk seçki komissiyasının sədri işləyən həyat yoldaşı Lyudmila vəhşicəsinə öldürülüb", - o, Teleqram kanalında yazıb.

Balitski həlak olanların ailələrinə və yaxınlarına başsağlığı verib, həmçinin rəsmilərin ailəyə mütləq köməklik göstərəcəyini qeyd edib. Bundan əlavə, o, cinayəti törədənlərə müraciət edərək, onları əlləri günahsız insanların qanına batan “rəzil və qorxaq qatillər” adlandırıb.

Tural Tağıyev
AzVision.az



Teqlər:   Ukrayna  



Xəbər lenti


Azvision.az ©2014 | Bütün hüquqları qorunur