Təhsil Nazirliyindən AzVision.az-a verilən məlumata görə, səfər çərçivəsində təhsil naziri Mikayıl Cabbarov fransalı həmkarı xanım Najat Vallo-Belkasem ilə görüşərək Azərbaycanla Fransa arasında təhsil sahəsində əməkdaşlığın genişləndirilməsi, iki ölkənin ali təhsil müəssisələri arasında müəllim və tələbə mübadiləsinin təşviq olunması yolları və ikili diplom proqramlarının təşkili imkanları və digər qarşılıqlı maraq doğuran məsələlərı müzakirə edib.
Nazir Mikayıl Cabbarov həmçinin Fransa Prezidentinin diplomatik məsələlər üzrə müşaviri Fabien Penon və ali təhsil və tədqiqatlar üzrə müşaviri Vənsan Berje və Strasburq Universitetinin prezidenti Alen Beretz ilə görüşlər keçirərək ölkələrimiz arasında təhsil sahəsində əməkdaşlıq perspektivlərinə dair fikir mübadiləsi aparıb.
Təhsil naziri 2012-ci ildən etibarən Heydər Əliyev Fondunun dəstəyi ilə Azərbaycan dilinin tədrisi proqramının həyata keçirildiyi Şərq Dilləri və Sivilizasiyaları Milli İnstitutunu ziyarət edərək İnstitutun prezidenti xanım Manuel Frank və Azərbaycan dili proqramın iştirakçıları olan müəllim və tələbələrlə görüşüb.
Bununla yanaşı, təhsil naziri Azərbaycan Mədəniyyət Mərkəzində “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Fransada təhsil alan tələbələrlə görüşərək onların təhsili və üzləşdikləri proqramlərlə maraqlanmış, Azərbaycanda aparılan təhsil islahatları barədə məlumat vermiş və tələbələrin məzun olduqdan sonra Azərbaycanın inkişafına verə biləcəkləri töhfələrə dair fikir mübadiləsi aparıb.
Nazir Fransada azərbaycanlı tələbələrin problemləri ilə maraqlandı
14 Noyabr 2014
Oxunub:1141
Azərbaycan Respublikasının təhsil naziri Mikayıl Cabbarov Fransa Respublikasının milli təhsil, ali təhsil və tədqiqat naziri xanım Najat Vallo-Belkasemin dəvəti ilə 12-13 noyabr tarixlərində Fransanın paytaxtı Paris şəhərinə işçi səfər edib.
Vaxtında, Aydın, Lazımlı!
-1782818240.jpg&h=190&w=280&zc=1&q=100)
-1782814628.jpg&h=190&w=280&zc=1&q=100)
-1782716528.jpg&h=190&w=280&zc=1&q=100)
-1782727082.jpg&h=190&w=280&zc=1&q=100)
-1782202883.jpg&h=120&w=187&zc=1&q=70')
