Qatardan qaçan iki məhkuma cinayət işi açıldı, axtarış aparılır

Qatardan qaçan iki məhkuma cinayət işi açıldı, axtarış aparılır
  23 Oktyabr 2017    Oxunub:4195
Ədliyyə Nazirliyi Penitensiar Xidmət (PX) iki məhkumun qaçması barədə məlumat yayıb.
Xidmətin ictimaiyyətlə əlaqələr şöbəsindən AzVision.az-a verilən məlumatda deyilir ki, oktyabrın 23-də Bakı- Astara - Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, hal-hazırda CM-nin müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.

Daxili İşlər Nazirliyinin ərazi polis orqanlarına təqsirləndirilən şəxslər E.Məmmədov və Ə. Ağami barəsində müvafiq məlumatlar təqdim edilib.

Faktla bağlı Azərbaycan Respublikası Baş Prokurorluğunun Ağır Cinayətlərə Dair İşlər üzrə İstintaq idarəsi tərəfindən cinayət işi başlanıb, istintaq aparılır. Axtarış tədbirləri davam etdirilir.

AzVision.az


Teqlər: Ədliyyə-Nazirliyi  





Xəbər lenti