Üç nazirliyin əmlakı yeni agentliyə verildi

  26 Yanvar 2018    Oxunub : 1767
Üç nazirliyin əmlakı yeni agentliyə verildi

Azərbaycan prezidenti İlham Əliyev Qida Təhlükəsizliyi Agentliyinin fəaliyyətinin təmin edilməsi ilə bağlı əlavə tədbirlər haqqında sərəncam imzalayıb.

AzVision.az-ın məlumatına görə, laboratoriyalar, o cümlədən onların yerləşdiyi inzibati binalardan və maddi-texniki bazalarından ibarət dövlət əmlakı, müvafiq olaraq, İqtisadiyyat Nazirliyinin, Kənd Təsərrüfatı Nazirliyinin və Səhiyyə Nazirliyinin balansından Qida Təhlükəsizliyi Agentliyinin balansına verilib.

Bura İstehlak Mallarının Ekspertizası Mərkəzinin Bakı şəhərində yerləşən Qida və Qeyri-Ərzaq Mallarının Mərkəzi Sınaq Laboratoriyası, Cəlilabad rayonunda yerləşən Lənkəran Regional Qida Sınaq Laboratoriyası, habelə Bakı şəhəri, S.S.Axundov küçəsi 73c ünvanında yerləşən Baytarlıq Elmi-Tədqiqat İnstitutu, Kənd Təsərrüfatı Nazirliyi yanında Dövlət Baytarlıq Nəzarəti Xidməti üzrə Bakı şəhəri, 8-ci mikrorayon, 3123-cü məhəllədə yerləşən Respublika Baytarlıq Laboratoriyası, Sabirabad, Göygöl, Bərdə, QubaQax rayonlarında yerləşən və hazırda fəaliyyətdə olan zona baytarlıq laboratoriyaları, Abşeron, Salyan, Ucar, Şəki, Lənkəran, Tovuz, ŞamaxıBeyləqan rayonlarında tikilməkdə olan zona baytarlıq laboratoriyaları, Kənd Təsərrüfatı Nazirliyi yanında Dövlət Fitosanitar Nəzarəti Xidməti üzrə Respublika Toksikologiya və Keyfiyyətə Nəzarət Mərkəzinin Bakı şəhərində yerləşən laboratoriyası, Respublika Karantin Ekspertiza Mərkəzinin Bakı şəhərində yerləşən laboratoriyası, Abşeron, Salyan, Sabirabad, Ucar, Göygöl, Şəki, Bərdə, Quba, Lənkəran, TovuzŞamaxı rayonlarında yerləşən toksikologiya-nəzarət laboratoriyaları, Abşeron, Salyan, Sabirabad, Ucar, Göygöl, Şəki, Bərdə, Quba, Lənkəran, TovuzŞamaxı rayonlarında yerləşən karantin ekspertizası laboratoriyaları daxildir.

Nazirlər Kabinetinə iki ay müddətində Əmlak Məsələləri Dövlət Komitəsi ilə birlikdə sərəncamda nəzərdə tutulan dövlət əmlakının Agentliyin balansına verilməsini təmin etmək, tikilməkdə olan laboratoriyalar üçün nəzərdə tutulmuş vəsaitin Agentliyə ayrılmasını təmin etmək, Agentliklə birlikdə bu sərəncamın 1-ci hissəsinin icrası ilə bağlı İqtisadiyyat Nazirliyindən, Kənd Təsərrüfatı Nazirliyindən və Səhiyyə Nazirliyindən Agentliyə keçəcək ştat sayının və “Azərbaycan Respublikasının 2018-ci il dövlət büdcəsi haqqında” qanunda nəzərdə tutulmuş vəsaitin Agentliyə ötürülməsi üçün zəruri tədbirlər görmək tapşırılıb.

Sərəncamın 1-ci hissəsinin icrası başa çatana qədər İqtisadiyyat Nazirliyi, Kənd Təsərrüfatı Nazirliyi və Səhiyyə Nazirliyi həmin laboratoriyalardan istifadə ilə bağlı qanunvericilikdə müəyyən olunmuş səlahiyyətlərinin həyata keçirilməsini davam etdirəcək.

AzVision.az

Teqlər: İlham-Əliyev   Prezident   Agentlik