PJB-dən növbəti bayraq aksiyası - Fotolar

  10 Noyabr 2018    Oxunub : 325
PJB-dən növbəti bayraq aksiyası - Fotolar
Dördüncü ildir ki, Parlament Jurnalistlər Birliyinin (PJB) üzvləri ənənəvi olaraq Bayraq Günündə aksiya keçirir. Azərbaycanın müxtəlif bölgələrində insanlara bayraq hədiyyə edir, onların bayraqla bağlı fikirlərini öyrənirlər.
Azvision.az xəbər verir ki, ənənəyə sadiq qalaraq ötən gün qurumun bir qrup üzvü ölkəmizin Cənub bölgəsinə gediblər.



Aksiya çərçivəsində jurnalistlər əvvəlcə Lerikdə olublar. Bayraq Meydanında rayonun rəsmi şəxsləri, ictimaiyyət nümayəndələri, müəllimlər, şagirdlərlə görüşən jurnalistlər onlara bayraqlar hədiyyə ediblər. PJB üzvləri Bayraq Muzeyi ilə də tanış olublar.



Daha sonra onlar rayonun mərkəzində Şəhidlərin xatirəsinə ucaldılmış Şəhidlər Abidə Kompleksini ziyarət ediblər. Lerikdən sonra jurnalistlər Lənkəran şəhərinə gəliblər. Heydər Əliyev Parkında istirahət edən sakinlərlə görüşərək onlara bayraqlar paylayıblar.



Sakinlər bu cür nəcib aksiyalarla gələcək nəsildə Vətənə, torpağa olan məhəbbətin daha da dərinləşəcəyini bildiriblər. Jurnalistlərin son dayanacağı Masallı rayonu olub. Onlar burada da sakinlərə bayraqlar hədiyyə ediblər.



Tədbirin sonunda jurnalistlərə aksiyanın əhəmiyyətindən danışan PJB sədri Elşad Eyvazlı bildirib ki, onlar 4 ildir ölkənin müxtəlif bölgələrində bu aksiyanı keçirirlər:

“Məqsədimiz insanlarda Bayraq sevgisini daha da yüksəltməkdir. Bu aksiya kiməsə bir bayraq hədiyyə etməklə bitmir. Bir növ həm də ayrı-ayrı bölgələrdə insanlarımızın bayrağa münasibətilə bağlı monitorinq aparılır. Deyə bilərik ki, ümumi mənzərə yaxşıdır. Xüsusilə yeni nəsildə Bayrağa, Vətənə yanaşma adamı daha çox sevindirir”.











Azvision.az

Teqlər: PJB   Bayraq   Lerik   Lənkəran