"Azərbaycan turizmin inkişafına böyük diqqət ayırır" - Prezident

  17 Aprel 2019    Oxunub : 790
 "Azərbaycan turizmin inkişafına böyük diqqət ayırır" - Prezident
Azərbaycan turizm sənayesinin inkişafına böyük diqqət ayırır və son illərdə mühüm uğurlar əldə edib.
Azvision.az xəbər verir ki. bunu Azərbaycan Prezidenti İlham Əliyev Çinin "Sinxua" agentliyinə müsahibəsində deyib.

Ölkə başçısı qeyd edib: "Azərbaycan özünün turizm sənayesinin inkişafına böyük diqqət ayırır və biz son illər bu istiqamətdə mühüm uğurlar əldə etmişik. Azərbaycana səfər edən Çin turistlərinin sayında 53 faiz artım var".

Prezident bildirib ki, Azərbaycan Çin vətəndaşları üçün sadələşdirilmiş viza proseduru tətbiq edir: "Vizanı Azərbaycanın beynəlxalq hava limanlarında əldə etmək olar. Azərbaycan və Çin arasında müntəzəm birbaşa uçuşlar həyata keçirilir".

Dövlət başçısı əmin olduğunu bildirib ki, qarşıdan gələn illərdə Azərbaycan ilə Çin arasında mövcud olan dostluq əlaqələri xalqlarımızın tərəqqisi və rifahı naminə uğurla inkişaf edəcək və güclənəcək.

Azvision.az

Teqlər: Prezident   İlham-Əliyev