Afrika İttifaqı ilə əməkdaşlıq müzakirə olunub

  02 May 2019    Oxunub : 546
Afrika İttifaqı ilə əməkdaşlıq müzakirə olunub
Bakıda keçirilən V Ümumdünya Mədəniyyətlərarası Dialoq Forumu çərçivəsində Xarici İşlər naziri Elmar Məmmədyarov Qananın Xarici İşlər və Regional İnteqrasiya naziri Şirley Ayorkor Boçvey ilə görüşüb.
Xarici İşlər Nazirliyinin Mətbuat xidmərindən Azvision.az -a verilən məlumata görə, Azərbaycanda yenidən olmasından məmnunluğunu bildirən qanalı nazir tədbirin yüksək səviyyədə təşkilini xüsusilə qeyd edib.

Nazirlər iki ölkə arasında münasibətlərin inkişaf etdirilməsi istiqamətində fikir mübadiləsi aparıblar. Tərəflər insanlararası təmasların daha da artırılması məqsədilə qanalı tələbələrin Azərbaycanda təhsil imkanlarını müzakirə ediblər.

Görüşdə Azərbaycanın Afrika İttifaqı ilə əməkdaşlığı məsələləri də nəzərdən keçirilib. Görüş zamanı habelə, qarşılıqlı maraq doğuran digər məsələlər müzakirə edilib.

Azvision.az

Teqlər: XİN