Maşında aksizi olmayan siqaretlər aşkarlandı

  05 İyul 2019    Oxunub : 747
Maşında aksizi olmayan siqaretlər aşkarlandı
Dövlət Gömrük Komitəsi Əməliyyat-İstintaq Baş İdarəsi Əməliyyat İdarəsinə “Mercedes Benz” markalı minik avtomobilində Azərbaycan Respublikasının aksiz markası ilə markalanmamış külli miqdarda siqaretlərin Xaçmaz rayonu ərazisindən Bakı şəhəri istiqamətinə daşınması barədə əməliyyat məlumatı daxil olub.
Komitədən Azvision.az -a verilən məlumata görə, yaradılan əməliyyat qrupu tərəfindən Azərbaycan Respublikası vətəndaşının idarə etdiyi həmin avtomobil Bakı-Sumqayıt şosesində saxlanılıb və baxış keçirilib.

Bu zaman avtomobildə 18 ədəd karton qutuda Azərbaycan Respublikasına məxsus aksiz markası olmayan 114 000 ədəd “King” markalı siqaretlər aşkar edilib. Faktla bağlı araşdırma aparılır.

Azvision.az

Teqlər: DGK   Siqaret