Koronavirusa görə sahibkarlara güzəşt oluna bilər

  17 Mart 2020    Oxunub : 1915
 Koronavirusa görə sahibkarlara güzəşt oluna bilər
Koronovirusun yayılması ilə əlaqədar dünyanın bir sıra ölkələrində sahibkarların dövlət qarşısında öhdəliklərinin yerinə yetirilməsində güzəştlərin tətbiq edilməsi nəzərdə tutulur.
Azvision.az xəbər verir ki, bunu Milli Məclisin İqtisadi, siyasət və sahibkarlıq komitəsinin bu gün keçirilən iclasında çıxış edən komitə sədri Tahir Mirkişili deyib.

Deputat bildirib ki, Azərbaycanda hökumət daxilində bu istiqamətdə müzakirələr aparılıb. Onun sözlərinə görə, koronavirusla bağlı görülən tədbirlər strukturlar arasında uyğunsuzluq yaradır.

“Müqavilələrdə fors-major hallarla bağlı xüsusi maddə var. Amma fors-major hallara epidemiyanın yayılması daxil deyil. Belə halda müqavilə öhdəliklərinə yeni anlayışların daxil edilməsi bizə lazım olacaq. Çünki bu gün dünyada epidemiyaların yayılması prosesi çox sürətlə gedir".

Anar Kəlbiyev
Azvision.az

Teqlər: Koronavirus