BŞİH-dən açıqlama: Dezinfeksiya işləri pulsuzdur

      BŞİH-dən açıqlama:    Dezinfeksiya işləri pulsuzdur
  29 Mart 2020    Oxunub:2595
"Son günlərdə paytaxt rayonlarında koronavirus infeksiyasının yayılmasının qarşısının alınması məqsədilə aparılan dezinfeksiya işləri zamanı bəzi şəxslərın özlərini icra hakimiyyəti strukturlarının işçiləri kimi təqdim etməyə çalışaraq pullu xidmətlər göstərməyə cəhd etmələri barədə məlumatlar daxil olur".
Bu barədə Azvision.az -a Bakı Şəhər İcra Hakimiyyətindən məlumat verilib.

Qeyd olunub ki, dövlət balansında olan binalarda, binaların bloklarında, liftlərdə, həyətlərdə və ümumi istifadə yerlərinində dezinfeksiya işləri dövlət vəsaiti hesabına aparılır və bunun üçün heç bir vəsait tələb edilə bilməz.

Bakı Şəhər İcra Hakimiyyəti belə hallar mövcud olduğu təqdirdə, hüquq-mühafizə orqanlarına və ya aşağıda qeyd edilən qaynar xəttə müraciət edilməsini xahiş edir.

Qaynar xətt: (012) 492-63-11.

Azvision.az


Teqlər: BŞİH  





Xəbər lenti