Əliyev və Sarkisyan Varşavada görüşə bilər - KİV
Səfərin məqsədi NATO-nun sammitində iştirak etməkdir. Varşavaya səfər zamanı Serj Sarkisyanın ikitərəfli görüşlər keçirəcəyi bildirilir.
Erməni KİV-lərin yaydığı məlumata görə, Azərbaycan və Ermənistan prezidentləri Varşavada NATO sammiti çərçivəsində görüşə bilərlər.
Rəsmi qurumlar tərəfindən bu görüşün baş tutub-tutmaycağı haqda rəsmi açıqlama verilməyib.
ATƏT-in Minsk Qrupunun amerikalı həmsədri Ceyms Uorlik isə bildirib ki, Ermənistan-Azərbaycan Dağlıq Qarabağ münaqişəsi Varşavada keçirilən NATO sammiti çərçivəsində müzakirə olunacaq.
“Ermənistan-Azərbaycan Dağlıq Qarabağ münaqişəsinə dair danışıqlar prosesinin davam etdirilməsi üçün NATO sammiti yaxşı imkandır”, deyə Uorlik bildirib.
Eldar Tanrıverdiyev
AzVision.az
Teqlər: