Parisdə iğtişaşlar: 40 nəfər saxlanıldı (FOTOLAR)

Parisdə iğtişaşlar: 40 nəfər saxlanıldı (FOTOLAR)
  11 İyul 2016    Oxunub:2153
“Avro-2016”nın final oyunundan sonra baş verən iğtişaşlar nəticəsində polis tərəfindən 40-dan çox azarkeş saxlanılıb.

AzVision.az AFR-a istinadən xəbər verir ki, Eyfel qülləsi yaxınlığında 90 mindən çox azarkeşin toplaşdığı ərazidə iğtişaşlar matça qədər başlayıb.

Polisin yaydığı məlumata əsasən, azarkeşlər bir neçə maşını yandırıblar. Hüquq-mühafizə orqanı əməkdaşları suatanlardan və gözyaşardıcı qaz tətbiq etməyə məcbur qalıblar.

Parisin mərkəzində qarşıdurmalar final matçı zamanı da davam edib.

Portuqaliya və Fransa arasında “Avro-2016” çempionatının final matçı portuqaliyalıların qələbəsi (1:0) ilə başa çatıb. Portuqaliya yığması futbol üzrə Avropa çempionatı tarixində ilk dəfə çempion olub.











Eldar Tanrıverdiyev
AzVision.az


Teqlər:  





Xəbər lenti


Azvision.az ©2014 | Bütün hüquqları qorunur