İstanbulda hərbçilər əhaliyə atəş açıb

İstanbulda hərbçilər əhaliyə atəş açıb
  16 İyul 2016    Oxunub:3035
Türkiyədə komendant saatı elan olunmasına baxmayaraq, dövlət başçısı Rəcəb Tayyib Ərdoğanın xalqa müraciətindən sonra əhali küçələrə axışıb.
AzVision.az Türkiyə mətbuatına istinadən xəbər verir ki, İstanbulun bir çox yerində insanlar tankların üzərinə çıxaraq, hərbi çevrilişə etiraz edib.

İstanbulun Boğaz körpüsündə irəlilələmək istəyən sakinlərə qiyamçılar atəş açıb. 2 min nəfərlik qrupa ordu tərəfindən atəş açılıb. Yaralıların olduğu bildirilir.



Bu arada Türkiyə Silahlı Qüvvələri Birinci Ordu Komandanı, orgeneral Ümid Dündar ölkədə baş verən son hadisələrlə bağlı açıqlama verib: "Bu hadisəni törədənlər Birinci Ordu Komandananlığı içərisinde kiçik bir qrupu təmsil edirlər. Narahat olacaq bir şey yoxdur. Bu qrupa qatılmayan və hazır əmr gözləyən digər birliklərlə zəruri tədbirləri görürük. Bu, Türkiyə Silahlı Qüvvələrinin dəstəkləmədiyi bir hərəkətdir".

İlkin Nəcəfzadə
AzVision.az


Teqlər:  





Xəbər lenti


Azvision.az ©2014 | Bütün hüquqları qorunur