Türkiyə prezidenti Rəcəb Tayyib Ərdoğanın Marmarisdə qaldığı otelə silahlı hücum olub.
AzVision.az Türkiyə mətbuatına istinadən xəbər verir ki, hadisə Ərdoğan oteli tərk etdikdən təxminən 45 dəqiqə sonra baş verib.
Ərdoğan Çevriliş cəhdinin günortadan sonra başladığını bildirib: “Mən Maramarisdəydim. Biz oranı tərk edən kimi qaldığım oteli bombaladılar. Orda olacağımızı təxmin etdilər. Bura gəldik. İzləyə bilmədilər”.
Prezidentin sözlərinə görə, 4 hərbi helikopter otelin üstünə eniş edib, təxminən 40-a yaxın əsgər helikopterlərdən enib. Helikopterlər uzaqlaşdıqdan sonra həmin hərbçi şəxslər otelə atəş açıblar.
Prezidentin qaldığı əraziyə əl qumbaraları atılıb. Əraziyə cəlb olunan polis qüvvələri ilə qiyamçılar arasında qarşıdurma yaranıb. Nəticədə 1 polis yaralanıb.
Eldar Tanrıverdiyev
AzVision.az
`Qaldığım oteli bombaladılar` - Ərdoğan
16 İyul 2016
Oxunub:33840
Vaxtında, Aydın, Lazımlı!
_VuUFM__HD-(1)-1746091328.jpg){kind=spacer}
