Bunu ATƏT-in Daimi şurasının xüsusi iclasında Azərbaycanın təşkilatdakı daimi nümayəndəsi Rövşən Sadıqbəyli Ermənistan XİN başçısı Ararat Mirzoyanın çıxışına cavabında deyib. Onun sözlərinə görə, bu məqsədlə Azərbaycan yerli erməni sakinlərlə qarşılıqlı əlaqələrin qurulması istiqamətində ardıcıl və uğurlu səylər göstərib, beləliklə, regionda su, nəqliyyat və enerji təchizatı ilə bağlı mühüm məsələləri həll edib.
“Bu əlaqələri təşviq etmək və davam etdirmək lazımdır. Bununla belə, Azərbaycan kövrək sülh quruculuğu prosesini pozmaq üçün Azərbaycanın Qarabağ bölgəsinə yerləşdirilən Ruben Vardanyan kimi şübhəli şəxslərlə əlaqə saxlamayacaq. Müharibənin və işğalın dağıdıcı nəticələrinə və sağalmamış yaralarına baxmayaraq, Azərbaycan münaqişə başa çatdıqdan sonra Ermənistanla dövlətlərarası münasibətlərin 5 baza prinsipi əsasında normallaşması prosesinin başlanması təşəbbüsünü irəli sürdü.
Son 2 il ərzində mənim ölkəm sülh gündəmini təşviq etmək üçün güclü siyasi iradə nümayiş etdirir. Ötən il Brüssel, Praqa və Soçidə yüksək səviyyədə keçirilən görüşlərdə hər iki tərəf bir-birinin suverenliyini, ərazi bütövlüyünü və sərhədlərinin toxunulmazlığını qarşılıqlı şəkildə tanıdıqlarını təsdiqləyib. Bu, sülh müqaviləsinin bağlanmasına gətirib çıxara və yaxşı əsas yarada bilər”, - Azərbaycanın ATƏT-dək daimi nümayəndəsi vurğulayıb.
AzVision.az
Azərbaycanın ATƏT-dəki daimi nümayəndəsi Mirzoyana cavab verib
17 Yanvar 2023
Oxunub:687
Azərbaycan milli və etnik mənşəyindən asılı olmayaraq, bütün vətəndaşlarına bərabər hüquqlar təmin etməklə, ölkə qanunvericiliyinə və Konstitusiyasına uyğun olaraq erməni əsilli vətəndaşlarını siyasi, sosial və iqtisadi məkana yenidən inteqrasiya etməkdə qətiyyətlidir.
Teqlər:
Vaxtında, Aydın, Lazımlı!
-1782202883.jpg&h=120&w=187&zc=1&q=70')
